Hüseyn Cavidin Ev Muzeyi Hüseyn Cavid və ümumiyyətlə cavidlər irsinin toplanması, qorunması, tədqiqi və təbliğini həyata keçirir.

Dahi dramaturq  Hüseyn  Cavidin  anadan olmasının 100 illik yubileyi ilə əlaqədar  ulu öndər Heydər Əliyevin rəhbərliyi ilə Azərbaycan KP MK-nın 21 iyul 1981-ci ildə “Hüseyn Cavidin anadan  olmasının 100 illiyi haqqında” qəbul etdiyi qərarda Bakı  şəhərində Hüseyn Cavidin xatirə muzeyinin yaradılması göstərilmişdir. 10 iyul 1995-ci ildə Azərbaycan Respublikası Nazirlər  Kabinetinin 160  saylı  qərarı ilə Hüseyn Cavidin  Ev  Muzeyinin  Azərbaycan EA-nın  tabeliyinə verilməklə həmin binanın İstiqlaliyyət küçəsi, 8 (indiki 26) 2-ci mərtəbəsindəki  giriş  də  daxil olmaqla 3-cü mərtəbəsində ədibin yaşadığı mənzilində yerləşməsi və “Hüseyn Cavidin Ev Muzeyi” adlandırılması  məsələsi  həll olundu.

24  oktyabr  2002–ci  il  tarixdə, Hüseyn Cavidin 120 illik yubileyi günündə ümummillilideri Heydər Əliyevin  şəxsən  iştirakı ilə Hüseyn Cavidin Ev Muzeyinin açılış mərasimi keçirildi.

Hüseyn Cavidin Ev Muzeyində 8 şöbə fəaliyyət göstərir. Onlardan 6-sı elmi-tədqiqat şöbəsi, 2-si isə texniki şöbədir.

Elmi tədqiqat şöbələrimiz:

- Cavidşünaslıq şöbəsi

- Elmi kütləvi işlər şöbəsi

- Elmi fondlar şöbəsi

- Elmi və bədii tərtibat şöbəsi

- Elmi ekspozisiya şöbəsi

- Elmi informasiya və kitabxana şöbəsi